Azərbaycan Dövlət İqtisad Universiteti (UNEC) ilə Mediasiya Şurası arasında səmərəli əməkdaşlığın nəticəsi olaraq 16 oktyabr 2023-ci il tarixində universitetin tələbələri ilə görüş keçirilib.
Azərbaycan Dövlət İqtisad Universitetinin Tələbə Elmi Cəmiyyətinin sədri Jalə Teymurlu çıxış edərək ölkəmizdə aparılan mediasiya islahatları barədə danışıb, Mediasiya Şurası və Azərbaycan Dövlət İqtisadUniversiteti arasında olan əməkdaşlığın əhəmiyyətini qeyd edib. 
Görüşdə Mediasiya Şurasını Bakı 1 saylı Mediasiya Təşkilatı təmsil edib. Bakı 1 saylı mediasiya təşkilatının rəhbəri Şahin Məmmədrzalı tələbələrlə Mediasiya ilə bağlı maarifləndirici çıxışlar edib və günümüzdə Mediasiyanın rolu və əhəmiyyəti müzakirə olunub, tələbələrlə müxtəlif kazuslar müzakirə edilib və tələbələri maraqlandıran sualları cavablandırılıb.
Tədbir iştirakçılarına Mediasiya Şurası tərəfindən nəşr edilmiş maarifləndirici materiallar təqdim edilib.