Mediasiya Şurasının İdarə Heyətinin sədri, “Könüllünün öz/əl” kitabının müəllifi Nadir Adilovun “KOB könüllüləri” və könüllü olmuş gənclərlə görüşü təşkil olunub.

KOBİA-dan AZƏRTAC-a bildirilib ki, “Bakı KOB evi”ndə keçirilən görüşdə Nadir Adilov gənclərin karyerasında könüllülük fəaliyyəti, könüllülüyün yaratdığı dəyərlər barədə fikirlərini bölüşüb, gənclərin suallarını cavablandırıb.

Görüş çərçivəsində könüllü fəaliyyətin təşviqi və gənclərin işgüzar inkişafına dəstək məqsədilə Kiçik və Orta Biznesin İnkişafı Agentliyinin təşəbbüsü ilə nəşr olunmuş “Könüllünün özəl kitabı” “KOB könüllüləri”nə təqdim edilib.

Qeyd olunub ki, 2018-ci ildən bu günədək KOBİA-da 770-ə yaxın gənc könüllü fəaliyyətinə cəlb edilib. Onlardan 20-si KOBİA-da işlə təmin olunub.