19 may 2025-ci il tarixində Sosial Tədqiqatlar Mərkəzi, Kiçik və Orta Biznesin İnkişafı Agentliyi - KOBİA, Mediasiya Şurası, Azərbaycan Tikinti İstehsalçıları Assosiasiyası və Azərbaycan Qiymətləndiricilər Palatasının təşkilatçılığı ilə "Bakı şəhərinin mövcud mənzil fondunun inkişafında yeni gözləntilər" adlı konfrans keçirilib.

Konfransda açılış nitqi ilə çıxış edən Mediasiya Şurası İdarə Heyətinin sədri Nadir Adilov tikinti sektorunda qurumlarla vətəndaşlar arasında münasibətlərin tənzimlənməsində mediasiyanın nə qədər əhəmiyyətli olduğunu bildirib və əlavə edib ki, mediasiyanın artıq kifayətqədər təcrübəsi və uğuru var.

Daha sonra qeyd edilən sahədə olan problemlərin hüquqi tənzimlənməsi məsələləri müzakirə olunub. Sonda bu problemlərin həlli ilə bağlı təkliflər dinlənilib.