Masallıda “Mediasiyanın faydaları və üstünlükləri” adlı tədbir keçirilib
Masallı 2 Saylı Mediasiya Təşkilatı və Masallı Rayon İcra Hakimiyyəti başçısının Türkoba inzibati ərazi dairəsi üzrə nümayəndəliyinin birgə təşkilatçılığı ilə Qəzvinoba kənd tam orta məktəbində “Mediasiyanın faydaları və üstünlükləri” adlı tədbir keçirilib.Tədbir Ümummilli Lider Heydər Əliyevin və şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Daha sonra ərazi nümayəndəsi Leyla xanım iştirakçılara mediasiya haqqında ümumi məlumat təqdim edib.Masallı 2 saylı mediasiya təşkilatının direktoru Tünzalə Qardaşova mediasiya institutunun mahiyyəti, xüsusilə ailə mediasiyasının üstünlükləri barədə geniş məlumat verib. Təşkilatın mediatoru Gülhəsən Məmmədov əmək münasibətlərində mediasiyanın tətbiqi ilə bağlı çıxış edib, Lənkəran 1 saylı Mediasiya Təşkilatının direktoru, mediator Ramin Şükürov isə kommersiya mübahisələrinin və digər mübahisələrin mediasiya vasitəsilə həlli yollarını izah edib.
