Mediatorların ilkin hazırlıq kursunu bitirən daha bir qrup mediatorluğa namizədin yekun imtahanı keçirilib

16 dekabr 2025-ci il tarixində mediasiya təlim qurumu olan AR Ədliyyə Nazirliyinin Ədliyyə Akademiyasında “Mediatorların ilkin hazırlıq kursu”nu başa vuran 20 nəfər mediatorluğa namizədin yekun imtahanı keçirilib.

İmtahanda “Mediatorların hazırlığı və ixtisaslarının artırılması ilə bağlı Təlim Qaydası”nın təsdiq edilməsi barədə Nazirlər Kabinetinin Qərarına uyğun olaraq, İmtahan Komissiyası tərəfindən mediasiya ilə bağlı namizədlərin nəzəri və təcrübi bilikləri yoxlanılıb.

Qeyd edək ki, imtahanda Ədliyyə Akademiyasının Vəkillərin və mediatorların tədrisi fakültəsinin dekan müavini Günel Sadıqova, Mediasiya Şurası İdarə Heyətinin üzvü Sima Yaqubova və müstəqil ekspert üzvü, Azərbaycan Respublikası Məhkəmə Hakimləri Assosiasiyalarının İttifaqının nümayəndəsi Kəramət Əliyev namizədlərin bilik və bacarıqlarını yoxlayıb.