Azərbaycan Respublikası Mediasiya Şurasının üzvü Türkiyə Cümhuriyyətinin ilk azərbaycanlı mediatoru olaraq sertifikat aldı

Azərbaycan Respublikası Mediasiya Şurasının üzvü, mediator Aygün Əliyeva Türkiyə Cümhuriyyətinin ilk azərbaycanlı mediatoru olaraq sertifikat alıb. Bu ilin mart ayından etibarən Türkiyə Cümhuriyyətində müvafiq mediasiya kurslarını bitirərək, imtahanlardan müvəffəqiyyətlə keçərək, Türkiyə Cümhuriyyətinin mediatorlarının reyestrində qeydiyyatdan keçmiş Aygün Əliyevanın 11.03.2025-ci il tarixli, 48013 nömrəli mediasiya sertifikatını 19 dekabr 2025-ci il tarixində Türkiyə Cümhuriyyətinin Ədliyyə Nazirliyində, Türkiyə Ədliyyə Nazirliyinin Hüquqi işlər üzrə direktoru Hakan Öztatar təqdim edib. Aygün Əliyeva Türkiyə Cümhuriyyətində rəsmi fəaliyyətinə icazə verilən ilk azərbaycanlı mediator olaraq praktiki fəaliyyətə başlayıb.

Mediator Aygün Əliyevanı qeyd edilən nailiyyət münasibəti ilə təbrik edir və hər iki qardaş ölkənin mediasiya praktikasına əvəzsiz töhfələr verəcəyinə inanırıq.